Pages

Monday, January 2, 2012

நதியில் தவறிய துளி - 4



அவளின் உதடுகள்
ஒரு புதுவிதமான இசைக்கருவி
எந்த சப்த்தமும் இசையாகிறது


அவள் உச்சரித்த
என் பெயரின்  முறை
அணைக்காமல் அவள்
என்னருகில்
வைத்திருப்பதை உணர்த்திற்று


அதாவது
வயிற்ருக்குள் இருக்கும்
குழந்தைக்கு
தந்தையிடும் முத்தம் போல


அவள்
என் காதருகில்
என் பெயரை உச்சரித்தாள்


எனக்கப்போது
ம்
என்பதைப் போல
வேறெந்த பதிலும் அல்லது
கேள்வியும்
சிறந்ததாகத் தோன்றவில்லை


வண்டி
போய்க்கொண்டிருந்தது


அவள்
மீண்டு பாடினாள்


அட
என்னவொரு அதிசயம்
சற்று வேகமாக வரும் தென்றலில் கூட
வாடிவிடும் பூ
வேகத்தையும் விரும்புகிறது இப்போது


என் யூகிப்பின் நொடிகள்
அவளுக்கு
கனத்திருக்க வேண்டும்


மீண்டும்
அவளே...
என்ன யோசிக்கிறீர்கள்


நான் சிரித்தேன்
அவள் சிவந்தாள்


பிறகு
இப்படிச் சொன்னேன்


வேகமாகச் சென்றால்
தூரத்தோடு
என் மனமும் சுருங்கிப்போகுமே


ஆனால்
இப்பனியதிகாலையில்
உங்கள் அருகாமையின் கணங்களை
தாங்குவது என்பது
அவ்வளவு எளிதல்ல
புரியுமா
என்றாள்...


இம்முறை
ன்னுயிர் சிலிர்த்தது
பனியினால் இல்லை


பின்
நண்பனின் விளையாட்டுப் பொருளைப் போன்றே
தனக்கும் வேண்டுமென்பதை
தயங்கித் தயங்கி கேட்கும்
சிறுவனைப் போல


நட்சத்திரா
என்னை
அனைத்துக்க் கொள்வாயா
என்றேன்...


( தொடரும் )

1 comment:

  1. வயிற்றுக்குள் இருக்கும்
    குழந்தைக்கு
    தந்தையிடும் முத்தம் போல

    சபாஷ்!

    ReplyDelete